O alcoholismo durante a xestación pode provocar o denominado "síndrome alcohólico fetal", asociado a graves alteracións físicas e psíquicas do feto, e ademais aumenta a posibilidade de que éste morra. Por todo elo, aconsellamos ás embarazadas evitar ó máximo o consumo de calquera bebida alcohólica, aquí tamén incluímos as cervexas sen alcohol, xa que a maioría das marcas conteñen unha pequena gradación alcohólica.

Os ovos son un alimento extraordinario, pero en condicións excepcionais poden transmitir enfermidades como a salmoneloses, un cadro de diarrea aguda que pode chegar a ser grave. A contaminación do ovo é externa, a través da cáscara, e prodúcese por falta de hixiene e pola manipulación nas granxas. Pra evita-la, recoméndase mercar sempre ovos frescos e limpos, tira-los que teñan a cáscara rota, respecta-la data de caducidade, mantelos a temperaturas baixas, non lavalos, e ó usalos, cascalos fora do prato.